katatarasata.com

 

 

මිල්ක්මේඩ් වටලප්පන් - Milkmaid Wattalappam

- නෙරන්ජලා ප්‍ර‍නාන්දු විසිණි.



මිල්ක්මේඩ් වටලප්පන්..

අවශ්‍ය ද්‍රව්‍ය -

මිල්ක්මේඩ් පොඩි ටින් 1

බිත්තර 8 ( ලොකුම ප්‍රමාණයේ බිත්තර නම් 7 ක් ඇති )

කිතුල් හකුරු 260g

වැනිලා ස්වල්පයක්

වතුර මිල්ක්මේඩ් ටින් එකෙන් 1ක්

එනසාල් කුඩු ටිකක්

සීනි මේස හැදි 1/2 ( වටලප්පන් මිශ්‍රණය දාන භාජනයේ ප්‍රමාණය අනුව අවශ්‍ය නම් වැඩිකර ගන්න )

සාදන ක්‍රමය -

1. මුලින්ම සීනි ටික ලිප තබා කැරමල් වූ පසු වටලප්පන් එක සාදන භාජනයට දමා සිසිල් වන්න තබන්න.

2. හකුරු කුඩාවට කඩා ලිපතබා දියකර ගන්න.

3. දිය වූ හකුරු වලට මිල්ක්මේඩ් , වතුර හා එනසාල් කුඩු එක්කර හොදින් මිශ්‍රකර ලිපෙන් ඉවත්කර නිවෙන්නට තබන්න. ( වැඩි වේලාවක් ලිපේ තැබීම අවශ්‍ය නෑ . සියල්ල මිශ්‍ර වූ සැනින් ලිපෙන් ඉවත් කරන්න )

4. බිත්තර හොදින් ගසාගන්න. එය පෙරාගන්න. ( බිත්තර පෙරා ගත්විට වටලප්පන් එකේ පිළී ගදක් ඒම සිදු නොවේ. පෙරීමෙන් වෙන් වන සුදුමදේ ඇති ඝනකම් කොටස් ඉවත් කරන්න. ඒවායින් තමා පිළී ගද එන්නෙ )

5. එයට වැනිලා එක්කර ගන්න. ( මෙයිනුත් සමහරුන්ට බිත්තර වලින් එන පිළීගද නැතිවේ )

6. නිවාගත් හකුරු මිශ්‍රණය ( තද රස්නෙ නැතුව රස්නෙ යන්තමින් තිබුනට කමක් නෑ ) හා බිත්තර මිශ්‍රණය හොදින් මිශ්‍රකර ගන්න. බීට් කරන්න එපා. එවිට වටලප්පන් වල ස්වභාවය නැතිවී පුඩිමක ස්වභාවයක් ඇතිවේ.

7. දැන් මිශ්‍රණය කැරමල් දැමූ භාජනයට දමාගන්න. අවශ්‍යනම් පෙරා ගන්න. ( හකුරු වල වැලි ගතියක් ඇතිබව සැකනම් )

8. ෆොයිල් කොළයකින් පුඩින් භාජනයේ උඩ වසා විනාඩි 45ක් පමණ ස්ටීම් කරගන්න.

# අවන් එකේ දානවානම් වතුර භාජනයක් උඩ පුඩින් භාජනය තබා 160c° - විනාඩි 45ක් පමණ තබාගන්න. එක එක අවන් වල කාලයන්ගෙ වෙනසක් සිදුවිය හැකි නිසා විනාඩි 35-40 ක් ගියපසු බලා අවශ්‍ය ප්‍රමාණයට තබාගන්න.

නෙරන්ජලා ප්‍ර‍නාන්දු ගේ වෙනත් කෑම වට්ටෝරු


වෙඩින් කේක්
නෙරන්ජලා ප්‍ර‍නාන්දු

ස්ට්‍රෝබෙරි මූස් කේක්
නෙරන්ජලා ප්‍ර‍නාන්දු

මිල්ක්මේඩ් රටඉදි කේක්
නෙරන්ජලා ප්‍ර‍නාන්දු

පොල් කේක්
නෙරන්ජලා ප්‍ර‍නාන්දු
අනුග්‍රහය - Sponsors
නවතම කෑම වට්ටෝරු
ජනප්‍රිය කෑම වට්ටෝරු
මාරි බිස්කට් පුඩිම
By Ruwanthika Madushani
Views - 18367
කිරිපිටි පුඩිං
By Shiki Ranasinghe
Views - 15693
පෑන් කේක්
By Indunee Welivita
Views - 15594
එළවළු චොප්සි
By Indunee Welivita
Views - 14859
පැනි රොටී
By Chathurani Priyangika
Views - 11285
Copyright © 2016 - 2021 Katatarasata.lk and Katatarasata.com All rights Reserved.
Copyrights protected: All the content on this website is copyright protected and can be reproduced only by giving due courtesy to 'katatarasata'