ක්‍රීම් වෙජිටබල් සැලඩ් - Cream vegetable salad

- නෙරන්ජලා ප්‍ර‍නාන්දු විසිණි.

ක්‍රීම් වෙජිටබල් සැලඩ් / Cream vegetable salad.. ( නත්තල් කෑම මේසෙට )

අවශ්‍ය ද්‍රව්‍ය -

පිපිඤ්ඤා ගෙඩි 1 ( සිහින් තීරු කපා )

කොළ පාට ඇපල් ගෙඩි 1 ( සිහින්ව පෙති කපා )

තක්කාලි ගෙඩි 3 ක් පමණ ( ඇට ඉවත්කර තරමක් ඝනකමට තීරු කපා )

සලාද කොළ 100g ( තරමක කැබලි කඩා )

මයොනිස් කෝප්ප 1/2 ( රස බලා එක්කර ගන්න )

යෝගට් මේස හැදි 3 ( රස අනුව එක්කර ගන්න )

සීනි තේ හැදි 1/2

ලුණු රස අනුව

ගම්මිරිස් රස අනුව

සාදන ක්‍රමය -

1. මයොනිස් , යෝගට් , සීනි, ලුණු හා ගම්මිරිස් එකට මිශ්‍රකර ගන්න.

2. එම මිශ්‍රණය එළවළු සමග මිශ්‍රකර ලුණු , ගම්මිරිස් රස බලාගන්න.

## මේ මිශ්‍රණය කෑමට පෙර කලවම් කරගන්න. මයොනිස් මිශ්‍රණය ශීතකරණයේ තබා ගෙන අවශ්‍ය විට රැගෙන මිශ්‍රකර ගන්න. ශීත කිරීමෙන්ද සලාදයට රසයක් එකතුවේ.

**මම සලාද කොළ එකතු කලේ නෑ කෑමට අකමැති අය සිටි නිසා.

**මයොනිස් නිවසේ සාදාගන්න හැකිනම් මෙය තවත් රසවත් කරගත හැක.