කටට රසට හර්බ්ස් ගාඩ්න් 2 -

- නෙරන්ජලා ප්‍ර‍නාන්දු විසිණි.



කටට රසට හර්බ්ස් ගාඩ්න්

# 2වන හර්බ්ස් වර්ග හදුනා ගැනීමේ පාඩම ..

1. සේර / Lemon grass

* දකුණු ආසියාවේ හා විශේෂයෙන් ඉංදියාවෙ ආහාර සදහාද ඖෂධයක් ලෙසද යොදා ගනී.

* අමුවෙන්, වියළිව හා පිටි ලෙස යොදාගනී.

* කුකුල් මස් හා ඒ ආශ්‍රිත මස් වර්ග, මාළු, හරක් මස්, මුහුදු ආහාර සදහා යෝග්‍යවේ.

* සමහර අප්‍රිකානු රටවල, ලතින් ඇමරිකාවේ, මෙක්සිකෝවේ තේ එකක් ලෙස යොදාගනී.

* සුප් සදහා යොදාගනී.

* තායි, මැලේසියන් ආහාර සදහා බහුලව යොදාගනී.

* බීම වර්ග සදහාද යොදාගනී.

* ආහාර පදම් කිරීමේදී, තෙම්පරාදු කිරීමේදී, සලාද සදහා, කුළුබඩු ආහාරයක් සදහා තවරා තැබීමේදී හා කරි පේස්ට් සදහා යොදාගනී.

* අතුරුපස වර්ග රස ගැන්වීමටද යොදාගනී.

* සේර තේ සදහා -

සේර අමුවෙන් හෝ වියළි තේ හැන්දක් උණු වතුර කප් එකකට දමා විනාඩි 10ක් තබා ගන්න. රස අනුව සීනි මිශ්‍රකර ගන්න.

සේර මිශ්‍ර තේ පැකට් වෙළෙඳපොළේ විකිණීමටද ඇත.

( සේර වල ෆොටෝ දමා ඇත. )

2. ඔරිගානෝ / Oregano

* නැවුම් හෝ වියළි ලෙස යොදාගනී.

* ඉතාලි හා ඇමරිකානු ආහාර සදහා වැඩි වශයෙන් යොදාගනී.

* රෝස්ට් කරන, ග්‍රිල් කරන එළවළු, මස්, මාළු පදම් කිරීමේදී යොදාගනී.

* තුර්කි ආහාර වලදී මස්, එළුමස්, බැටළු මස් සදහා විශේෂයෙන් යොදාගනී.

* බාබක්‍යු, කෙබාබ් රස ගන්වන්නට යොදාගනී.

* වියළි කොළ ග්‍රීසියේ ග්‍රීක් සැලඩ් සදහා යොදා ගන්නා අතර මස්, මාළු හා කැසරෝල් සදහා යොදාගනී. ( සෝස් සදහා )

* ඉතාලි හා ස්පාඤ්ඤ ආහාර සදහාද බහුල ලෙස යොදාගනී.

* ඖෂධීය ශාකයකි.

* බත් වර්ග හා තක්කාලි අඩංගු ආහාර , බිත්තර අඩංගු ආහාර සදහාද යොදාගනී.

* පීසා , පාස්තා සෝස් සදහා යොදාගනී.

* මැක්සිකානු මස් ස්ටූ සදහා යොදාගනී.

* ස්වල්ප වශයෙන් ස්ටීම් කරන මුහුදු ආහාර සදහාද විශේෂයෙන් බෙල්ලො වර්ග සදහාද යොදාගනී.

* මැරිනේටඩ් සෝස් වර්ග සදහා යොදාගනී. ( කුකුල් මස්, බැටළු මස්, හරක් මස් )

* ස්ටොක් සෑදීමේදී බොකේ ගානි එකට එක්කර ගත හැක.

( ඔරිගානෝ වල ෆොටෝ දමා ඇත. )

3. බැසිල් / Basil

(i) ස්වීට් බැසිල් /Sweet basil

(ii) තායි බැසිල් / Thai basil

* පැස්තා , පීසා, සලාද වර්ග සදහා ( සුළු වශයෙන් රස ගැන්වීමට ) යොදාගනී.

* මුහුදු ආහාර වර්ග සදහා යොදාගනී.

* මුහුදු ආහාර සදහා වන සෝස් වර්ග සදහා යොදාගනී.

* එළවළු සුප් සදහා යොදාගනී.

* සෝබේට් වැනි විවිධ ශීතකරණ අතුරුපස වර්ග සදහාද යොදාගනී.

* ස්වීට් බැසිල් වල බීජ ෆලූඩා , බීම වර්ග, අතුරුපස වර්ග සදහා යොදාගනු ලබන කස කසා ඇට වර්ගයයි.

* කොක්ටේල් සදහා යොදාගනී.

* ඉතාලි pesto සෝස් සදහා නැතුවම බැරි දෙයකි.

( බැසිල් වර්ග දෙකේ ෆොටෝ දමා ඇත. )

4. තයිම් / Thyme

* ප්‍රසිද්ධ හා එදිනෙදා වැඩිපුර භාවිතා වන තයිම් වර්ග ඉතාලි වර්ගවේ.

* තයිම් වර්ග 300ක් පමණ ඇතිබව සදහන්වේ.

* කැලෑ තයිම් වර්ගද ඇත. ( Wild thyme )

* නැවුම් හෝ වියළි ලෙස යොදාගනී.

* ආහාර අනුව කොළ පමණක් සූරා හෝ කොළ හා නටු දෙකම ලෙස යොදාගනී.

* එළවළු, තක්කාලි හා බේක් කල අල යන ආහාර සමග හොදින් ගැලපේ.

* රෝස්ට් කරන, ග්‍රිල් කරන මස් වර්ග සදහා සේජ් හා රෝස්මරි යන හර්බ්ස් වර්ග සමග යෙදීමෙන් මස් රසවත් කරගත හැක.

ඒ සදහා මස් පැය කිහිපයකට පෙර පදම් කරගත හැක.

* ස්ටොක්, සුප් හා ස්ටූ ( stew ) සදහා යොදාගනී.

* බොකේ ගානි සදහාද යොදාගනී.

* ඉතාලි ආහාර වල යොදාගන්නා ප්‍රධාන හර්බ්ස් වර්ගයකි.

* දකුණු ඉතාලියේ පාස්තා සෝස් සදහා අනිවාර්යයෙන්ම යොදාගනී.

( තයිම් වල ෆොටෝ දමා ඇත. )

5. චායිව්ස් / Chives

* සුදුළූණු, ළූනු හා ලීක්ස් පවුලේ ශාකයකි.

* ග්‍රීන් සැලඩ් වලට ගානිශ් එකක් ලෙස යොදාගනී.

* ග්‍රිල් කල මාළු, බේක් කල අල උඩින් ඉසීමට යොදාගනී.

* කොළ කුඩාවට කපා ආහාර සදහා යොදාගනී.

* ඩෙවල් හෝ ස්ක්‍රම්බල් එග්, බටර්, විනාකිරි, සෝස් වර්ග, එළවළු වර්ග වලට චොප්කර එක්කල හැක.

* ළූනු වල සුවද, ළූනු සුදුළූණු වල රසය ගනී.

* අල, බිත්තර, චීස් හා සවර් ක්‍රීම් සමග යෙදිය හැක.

* ඖෂධීය ගුණයෙන් ඉතා ඉහල හර්බ්ස් වර්ගයකි.

* පෝෂණ පදාර්ථ බහුල ශාකයකි.

* අවුරුදු සිය ගානකට පෙර ඊජිප්තුවේ වැසියන් අනාගතය පැවසීමට ‍යොදා ගන්නා ලද අතර දෙවියන්ගෙන් ලැබුණු තෑග්ගක් ලෙස සලකන තරමට ගැනුනු ශාකයකි.

* චීනය, සයිබීරියාව හා ග්‍රීසිය යන රටවල සිට ව්‍යාප්ත වූ බව පැවසේ.