පෑන් කේක් - Pan Cake

මෙය "කටට රසට" Facebook සමූහයේ වෙබ් අඩවියයි. මෙතැන ක්ලික් කිරීමෙන් මෙම කෑම වට්ටෝරුවට අදාළ මුල් Post එකට පිවිසිය හැකිය. ඔබට මෙම ආහාර වට්ටෝරුව සම්බන්ධයෙන් ඉන්දුනී වැලිවිටගෙන් දැනගත යුුතු අමතර දෑ මෙන්ම මෙම කෑම වට්ටෝරුව සම්බනධයෙන් අප සමූහයේ අනෙකුත් සමාජික සමාජිකාවන් දක්වන ලද අදහස් මෙන්ම යෝජනා ද මෙතැනින් බලා ගත හැකිය.

- ඉන්දුනී වැලිවිට විසිණි.

මුලින්ම පැණි පොල් හදමු...
අවශ්‍ය ද්‍රව්‍ය:
පොල් කෝප්ප 1-2 පමණ
පැණි කොප්ප 1 (හෝ දුඹුරු පාට සීනි වලට වතුර දමා උණු කර පැණි සාදා ගන්න. සුදු සීනි නම් කැරමල් කර පැණි සාදා ගන්න.)
සාදන ආකාරය:
• පැණි උණු කර ගන්න. සීනි වලින් නම් වතුර ටිකක් දමා පැණි සාදා ගන්න.
• එයට ගාගත් පොල් ටිකක්, සුවඳ කුඩු (කරදමුංගු, කරාබු නැටි) ටිකක් සහ ලුණු ටිකක් දමා පැණි සහ පොල් හොදට කවලම් වන තුරු හැදි ගාමින් මලවා ගන්න.
• පැණි හිඳීගෙන එන විට ලිපෙන් බා නිවෙන්න තියන්න.

පෑන් කේක් බේස් එකට..
අවශ්‍ය ද්‍රව්‍ය:
පිටි කෝප්ප 1
පොල් කිරි කෝප්ප ½ පමණ (ෆ්‍රෙෂ් කිරි වුණත් හොඳයි)
බිත්තර 1
ලුණු ටිකක්
කහ කුඩු ටිකක්

සාදන ආකාරය:
• මේ සියල්ල බ්ලෙන්ඩ් කර ටිකක් උකුවට මිශ්‍රණය හදා ගන්න.
• තැටියක හෝ පෑන් එකක තෙල් ටිකක් ගාලා රත් වුණාම මිශ්‍රණයෙන් හැන්දක් විතර දාලා කරකවලා (හෝ හැන්දෙන් තුනී කර) අවශ්‍ය තරමේ රවුමක් සාදා ගන්න.
• එය පියනකින් වසා ටිකක් වෙලා තියන්න. රන්වන් පාට වුණාම අනිත් පැත්ත දාලා ටික වෙලාවකින් ලිපෙන් බාන්න.
• ඉන්පසු සාදා ගත් පැණි පොල් ටිකක් මැදින් තබා රෝල් කරන්න.